Испания Футбол Федерацияси Испания терма жамоаси бош мураббийи Висенте Дель Боскенинг ўрнига бошқа мураббий қидиришни бошлаб юборган.
Хабарларга кўра, Испания Футбол Федерацияси айни дамда Дель Боскенинг ўрнига бир неча номзодларни кўриб чиқмоқда. Улар орасида "Атлетико" ҳамда "Хетафе" клубларининг собиқ бош мураббийи Кике Санчес Флорес, "Реал", ЦСКА ҳамда "Днепр" клубларининг собиқ бош мураббийи Хуанде Рамос, айни дамда "Олимпиакос"ни бошқараётган Мичель ҳамда "Бетис" бош мураббийи Пепе Мель номзодлари бор.
Эслатиб ўтамиз, Висенте Дель Боскенинг Испания терма жамоаси билан амалдаги шартномаси 2016 йилда тугайди. Дель Боске бош мураббийлигида Испания терма жамоаси 2010 йили Жаҳон чемпионатида ҳамда 2012 йилда Европа чемпионатида ғалаба қозонган.