Туркия спорт вазирлиги ва футбол лигаси ҳамжиҳатликда мамалакат чемпионатини бир ҳафтага тўхтатишга келишиб олди.
Бунга яқинда бўлиб ўтган "Фенербахче" автобусига қуролли ҳужум сабаб бўлди. Воқеа "Ризеспор" клуби билан учрашувдан сўнг Трабзон шаҳри аэропортига келишда содир бўлган, номаълум қуроли кишилар "Фенербахче" автобусига ҳужум уюштирган, натижада автобус ҳайдовчиси жароҳат олган эди. Футболчилар зарар кўрмаган.
"Биз бу воқеани қатъий муҳокама қиляпмиз. Биз бу ҳужумни айнан бир клубга эмас, бутун турк футболига бўлган ҳужум деб қабул қиламиз ва айбдорларни топиб, жазоланишини истаймиз", - дейилади Туркия футбол федерацияси расмий сайтидаги хабарда.
