Трабзон шаҳри губернатори Абдил-Жалил Оза Туркияда "Фенербахче" автобусига ўқ узганликда айбланаётган шахс ҳибсга олинганини маълум қилди. Бу ҳақида "СЭ" tr.eurosport.com интернет порталига таяниб хабар тарқатди.

Мазкур ҳодиса 4 апрел куни жамоа аэропортдан қайтаётганида содир бўлди. Номаълум кимса автобусга қарата ўқ узган, унга машъала улоқтириб, ўзи эса воқеа жойидан яширинишга муваффақ бўлганди.

Воқеа оқибатида автобус ҳайдовчисидан бошқа ҳеч ким жароҳатланмаган. "Фенербахче"  ушбу ҳолат юзасидан якуний қарор чиқарилмагунича чемпионат ўйинларида майдонга тушишдан бош тортди.