Мартин Эдегор "Реал Мадрид Кастилья"даги тенгдошлари билан шуғулланишни истамаяпти.
Гап шундаки, унинг шартномасидаги бандга кўра, футболчи ҳафтада камида беш кун асосий таркиб билан шуғулланиши керак. Эдегор "Кастилья"даги жамоадошлари билан машғулотга ўйиндан бир кун олдин қўшилмоқда.
"Кастилья" мураббийлари футболчи ва унинг отаси билан бир неча марта учрашиб, Эдегорнинг кўпроқ ёшлар таркибида вақт ўтказишини маслаҳат бердилар, аммо ота-бола бунга кўнмадилар.
"Кастилья" мураббийлари жамоа ўйинига қўшилиб кета олмагани учун ва ҳамжиҳат ўйинга иштирок этмаётгани учун Эдегорни охирги икки учрашувда захирада қолдиришга мажбур бўлдилар.