"Реал" посбони Икер Касильяснинг фикрича, унинг жамоаси примеранинг қолган ўйинларида бир очко ҳам йўқотмаслиги керак.
Мадридликлар Испания чемпионатининг 30-туридан сўнг 70 очко тўплаган ҳолда иккинчи ўринда бормоқдалар ва "Барселона"дан 4 очко ортда бормоқдалар.
"Бизни ажойиб якун кутиб турибди. Биз рақибимизга босим уюштириб, уларнинг хатосини кутамиз. Бошқа хато қилишга ҳаққимиз йўқ, акс ҳолда чемпионликка умид қилмасак ҳам бўлаверади", - дейди Касильяс.
Бугун "Реал" 31-тур доирасида "Эйбар"ни ўз уйида қабул қилади.