Дортмунднинг "Боруссия" ва "Ливерпуль" клублари собиқ бош мураббийи Юрген Клопп Мадриднинг "Реал" клуби олдига бир қатор шартлар қўйди.
Аввалроқ, "қаймоқранглилар" немис мутахассисини бош мураббий лавозимига таклиф қилишга тайёрлиги, у эса бу таклифни кўриб чиқиши мумкинлиги ҳақида хабар берилган эди.
"Topskills Sports UK" нашрининг маълум қилишича, Клопп "Реал"га ўз кадрлар сиёсатини дарҳол баён қилган. Унинг фикрича, жамоага иккита янги марказий ҳимоячи, иккита ярим ҳимоячи зарур, шунингдек, ҳужумчи Эндрикни ортга қайтариш лозим.
Бундан ташқари, немис мураббийи Жуд Беллингем ва Эдуардо Камавинга билан хайрлашишни режалаштирмоқда.
Клопп ўз шартларини клубга дарҳол билдиришни лозим деб топган.
