Dortmundning "Borussiya" va "Liverpul" klublari sobiq bosh murabbiyi Yurgen Klopp Madridning "Real" klubi oldiga bir qator shartlar qo‘ydi.

Avvalroq, "qaymoqranglilar" nemis mutaxassisini bosh murabbiy lavozimiga taklif qilishga tayyorligi, u esa bu taklifni ko‘rib chiqishi mumkinligi haqida xabar berilgan edi.

"Topskills Sports UK" nashrining ma’lum qilishicha, Klopp "Real"ga o‘z kadrlar siyosatini darhol bayon qilgan. Uning fikricha, jamoaga ikkita yangi markaziy himoyachi, ikkita yarim himoyachi zarur, shuningdek, hujumchi Endrikni ortga qaytarish lozim.

Bundan tashqari, nemis murabbiyi Jud Bellingem va Eduardo Kamavinga bilan xayrlashishni rejalashtirmoqda.

Klopp o‘z shartlarini klubga darhol bildirishni lozim deb topgan.