«Пари Сен-Жермен» ярим ҳимоячиси Витинья Мадриднинг «Реал» клуби учун асосий трансфер мақсадларидан бири бўлиб турибди.

26 ёшли португалиялик футболчининг ўзи «қироллик клуби»га ўтиш ғоясини ижобий баҳоламоқда, бироқ парижликлар уни осонликча қўйиб юбормоқчи эмас. «The Touchline» нашрининг хабарига кўра, "ПСЖ" президенти Носир ал-Ҳелайфий Витиньяни «Реал»га сотишни истамаяпти — айниқса, Килиан Мбаппе билан боғлиқ шов-шувли воқеадан сўнг.

Манбанинг қайд этишича, ал-Ҳелайфий «қаймоқранглилар»ни кучайтирмаслик учун қўлидан келган барча ишни қилади. "ПСЖ"нинг яна бир юлдуз футболчиси Мадрид жамоаси сафига ўтиши Париж клуби учун ҳам спорт, ҳам рамзий маънода мағлубият сифатида қабул қилиниши мумкин.

Ҳозирда Витиньянинг трансфер қиймати «Transfermarkt» портали томонидан 110 миллион еврога баҳоланмоқда. Аммо «Реал» уни қўлга киритиши учун бундан ҳам каттароқ сумма — тахминан 150 миллион евро атрофида маблағ сарфлашига тўғри келиши айтилмоқда.