Ҳужумчи Душан Влаховичнинг келажаги борасидаги вазиятда кескин ўзгаришлар кузатилмаяпти. Transfer News Live нашрининг TEAMtalk'га таяниб хабар беришича, 26 ёшли сербиялик футболчи учун "Барселона"га ўтиш асосий мақсад бўлиб қолмоқда.
Қайд этилишича, Влаховичнинг "Ювентус" билан янги шартнома бўйича музокаралари бир неча бор боши берк кўчага кириб қолган бўлса-да, футболчи ва унинг агенти клуб билан ижобий муносабатларни сақлаб қолишган.
"Барселона" Душан Влахович билан келаётган ёзда, у эркин агентга айланганидан сўнг шартнома имзолаши мумкин.
Душан Влахович "Ювентус" сафида жами 162 та расмий ўйин ўтказиб, ўз ҳисобига 64 та гол ва 16 та голли узатмани ёздириб қўйган.
