Голландиянинг «Витесс» клубида тўп сураётган ҳимоячи Уоллас енгилтак қилиқлари учун 10 апрель куни ҳибсга олинди. Бу ҳақда De Telegraaf нашри хабар тарқатмоқда.
Манбанинг маълум қилишича, ҳозирча футболчининг ўзи ҳам, маҳаллий полиция вакиллари вазият бўйича изоҳ беришни истамаяпти. Хабар қилинишича, воқеа Арнем шаҳридаги тунги клублардан бирида содир бўлган.
Маълумот учун бразилиялик 20 ёшли ҳимоячи Лондоннинг «Челси» клубига тегишли бўлиб, «Витесс»да ижара асосида тўп суриб келмоқда.