"Парма" ҳужумчиси Жонатан Биабиани ўтган йили юрагида муаммолар топилгани туфайли клуби билан ўзаро келишиб, шартномасини бекор қилди.
Шунингдек, 26 ёшли футболчи оғир молиявий аҳволда қолган клубнинг юкини енгиллатиш мақсадида бир йиллик маошидан кечди. Эслатиб ўтамиз, "Парма" 2014 йилнинг июлидан буён футболчиларга маош бергани йўқ.
Биабианининг шартномаси 2018 йилгача тузилган, ўтган кузда у "Милан"га ўтиши мумкин бўлган, аммо келишув амалга ошмаган эди. Футболчи бу мавсумда бир учрашувда иштирок этган.