"Реал" етакчиси Криштиану Роналду "Эйбар"га қарши учрашувда жарима тўпидан гол киритган ҳолда 56 уринишдан сўнг қора анъанага чек қўйишга эришди.
Португалиялик форвард сўнгги бор 2014-йилнинг 29-апрелида "Бавария" дарвозасига жарима зарбаси орқали гол киритган бўлиб, шундан сўнг "Реал" ва Португалия термаси таркибида 56 бор жарима зарбасини ижро этган ҳолда гол кирита олмаётганди. Ла Лигада эса сўнги бор 2014-йилнинг 26-апрелида "Севиля" дарвозабонини жарима тўпи орқали доғда қолдиришга эришган эди.













