Kun.uz: Дубайда бўлиб ўтадиган шахмат бўйича халқаро турнирда грузиялик халқаро тоифадаги гроссмейстер Гайоз Нигалидзе бир неча маротаба алдов йўлидан фойдалангани учун мусобақадан четлаштирилди.
«Первый» телеканалининг маълум қилишича, грузиялик спортчи арманистонлик Тигран Петросян билан ўтказилаётган баҳс давомида тез-тез ҳожатхонага бориб турган. Бу эса мусобақа ташкилотчилари ва ҳакамларни шубҳалантириб қўйган.
Нигалидзе бу жараённи кучли оғриқ билан изоҳлаган лекин, у ҳожатхонада ўз смартфони орқали турли шахмат партиялари таҳлили билан танишиб ўтирган. Спортчи айбини оқлаш мақсадида телефон ўзининг мулки эканини исботламоқчи бўлган, бироқ ҳакамлар унинг телефонини текширишганида ижтимоий тармоқда ўзи номига очилган аккаунт орқали шахмат дастурларидан фойдаланаётганини аниқлашган.
Грузиянинг икки карра чемпионига қанча муддатга дисквалификация беришни халқаро шахмат федерацияси ҳал қилади.
