Бугун тунда "Қироллик клуби" чемпионлар лигаси доирасида ҳамшаҳарлари ҳисобланган "Атлетико" меҳмони бўлади.
Жамоанинг чемпионлар лигасидаги тўпурари бўлиб турган Криштиану Роналду жорий мавсум сафарда кечган барча учрашувларда гол киритмоқда. Португалиялик ўз ҳисобига ёзиб қўйган 8 голидан 4 тасини айнан сафарда кечган учрашувлар давомида нишонлаган.
Дастлаб Болгария сафари чоғида "Лудогорец" дарвозасини ишғол этган бўлса, "Ливерпул"га қарши "Энфилд"даги учрашувда Хамес томонидан етказиб берилган заргарона пассни чиройли голга айлантирган ҳолда ҳисобни очган эди. Бундан ташқари "Базел"га қарши Швецарияда кечган учрашувда ягона голга муаллифликқилган бўлса, Гелзеркилҳенда "Шалке 04" дарвозасига дастлабки тўпни йўллаб жамоа ғалабасига ҳисса қўшган эди (0:2).
