Мадриднинг "Реал" клуби ҳимоячиси Даниэль Карвахаль "Атлетико" клубига қарши Европа Чемпионлар Лигаси дастлабки учрашувида Марио Манджукични тишлаб олгани ҳақидаги хабарлар ёлғон эканини таъкидлади.
"Ўйиндан сўнг мени Манджукични тишлаб олганим ҳақида айблашди. Аммо, бунга аниқлик киритишни истар эдим. Мен ўйинда уни тишлаганим йўқ, бунга ҳаракат ҳам қилмадим", - дейди Карвахаль.
Эслатиб ўтамиз, Атлетико ҳамда Реал клублари ўртасидаги учрашувдан сўнг Реал ҳимоячиси Даниэль Карвахаль Атлетико ҳужумчиси Марио Манджукични рақиб ҳужуми пайтида тишлаб олгани борасида хабарлар тарқалди. Ушбу вазиятни ҳакам кўрмаган ва хорватиялик ҳужумчи ҳакамга ўша вазията Карвахаль уни тишлаб олганини айтган.