Мадриднинг "Реал" клуби дарвозабони Икер Касильяс Европа Чемпионлар Лигаси чорак финали дастлабки учрашувидан сўнг "Атлетико" дарвозабони Ян Облак Реалга қарши фантастик ўйин намойиш этганини айтди.
"Марио Суарес тақдир уларга қарши бўлганини айтди? Билмайман, аммо ўйинда қўпол хатолар бўлмади дейиш мумкин. Умуман учрашувда, у асосий ролда бўлгани йўқ. Ўйлашимча, биринчи бўлимда Ян Облак ажойиб ўйин кўрсатди ва хақли тарзда ўйиннинг энг яхши ўйинчиси номини қўлга киритди. Биз кўпроғига арзир эдик, аммо Облак фантастик ўйин намойиш этди", - дейди Реал дарвозабони.
"Баҳс тақдири ҳали очиқ турибди. Ҳали ҳеч нарса ҳал бўлгани йўқ. Жавоб ўйини қизиқарли бўлади. Ўйлашимча, бизнинг имкониятимиз яхши. Умид қиламанки, ўз уйимизда ўйнашимиз бизга ёрдам беради", - дейди Касильяс.