“Барселона” ҳужумчиси Неймар яна бир суд ишида иштирок этади, деб хабар қилмоқда championat.com.

Бразилия термаси ҳужумчисини шифокор Герберт Крамер судга берди. Ушбу шифокор Неймарнинг турмуш ўртоғи Кароль Дантаснинг ҳомиладорлик вақтида унга тиббий ёрдам кўрсатган. Крамернинг сўзларига кўра, шу сабабли у ўзининг режаларини буткул ўзгартиришига тўғри келган: у бир неча кун ўзининг хусусий амалиётидан воз кечган ҳамда бир нафар шифокор ва ҳамшира ёллаган.

4 кун давомида у бутунлай Неймар ва унинг аёли ихтиёрида бўлган. Бунинг устига, бразилияликнинг ўғли Лука ҳомиладорликнинг 37 ҳафтасида дунёга келган ва бу ҳам алоҳида қаровни талаб қилган. Шуларнинг барини инобатга олган ҳолда Крамер 13 минг евро компенсация талаб қилиб, Неймарни судга берди.