"Ливерпуль" ҳужумчиси Марио Балотелли бу мавсум ижтимоий тармоқларда 8 мингга яқин ҳақоратли хабарлар олган, уларнинг ярмида ирқий камситилган.
Англия ижтимоий тармоқлари анализларига кўра, бу мавсум футболчилар шаънига 134 мингта ҳақоратли хабарлар бўлган. "Арсенал" ҳужумчиси Данни Уэлбек 1 777 та хабар олган, уларнинг ярми ирқий камситиш билан боғлиқ. Дэниел Старриж ("Ливерпуль") - 1 600 та, уларнинг 60 фоизи футболчининг жинсий ориентацияси билан боғлиқ.
Текширув гуруҳи директори Ройзин Вуд бу рақамлардан шокка тушганини маълум қилди: "Биз бу каби хабарларни кузатдик, аммо уларни олаётган футболчилар сонида шокка тушдик. Бир футболчининг 8 мингта ҳақоратли хабар олиши,бу даҳшат. Бу мауаамонинг ечимини кўрмаяпмиз", - дейди Вуд.