"Арсенал" ва "Барселона" клубларининг собиқ ўйинчиси Александр Глеб 2009 йлда "Интер"га ўтиши мумкин бўлганини ҳикоя қилиб берди.
Миланликларнинг ўша вақтдаги бош мураббийи Жозе Моуриньо беларуслик футболчини Иброҳимович ва Это’Онинг алмаштириш келишувига қўшмоқчи бўлган. Шундан сўнг Глеб "Штутгарт"га ўтган.
"Барса" - менинг энг катта хатоим эмас. Мен алмаштиришнинг бир қисми бўлиб қолишни истамаган эдим. Ҳа, шартнома ҳам супер эди. Штутгартга учганимда телефоним жиринглади. Олсам, Моуриньо: "Ҳаммаси яхши, Алекс. Мен президент билан гаплашдим. У сенга худди "Барселона"даги шартнома беришга тайёр. Биз сени Миланда кутамиз" - деди.
Шундан сўнг ўйлаб қолдим. Штутгартга қўнгач, уларга бошқа шартнома тушганини тушунтираман ва шартнома имзолай олмаслигимни айтаман деб ўйладим. Аммо аэропортда мени клуб президенти, мураббий ва фанатлар кутиб туришган эди. Бу мени чалғитди. Рад эта олмадим. Мен ижара шартномаси имзоладим. БУ хаётимдаги энг катта хато эди", - дейди Глеб.
