«Манчестер Юнайтед» клуби Англия Премьер-лигасининг энг юқори 7та ўринни эгаллаб турган жамоаларнинг ўзаро ўйинларида энг кўп очко жамғаргани маълум бўлди.

Шу пайтга қадар мазкур рақибларга қарши ўтказилган 10та ўйинда Луи ван Гал жамоаси 20 очко жамғарди. Манкунианликлар «Ливерпуль»дан 6, «Тоттенхэм»дан 4, «Манчестер Сити», «Арсенал» ва «Саутгемптон»дан 3 очко олишган бўлса, «Челси» билан бир марта дуранг ўйнашган.

Бу борада иккинчи кўрсаткич «Ливерпуль»га тегишли — 11та ўйинда 16 очко. Эртага «Манчестер Юнайтед» билан ўйнайдиган «Челси» ҳисобида 14 очко жамғарилди (9та ўйинда).