Уругвай терма жамоаси ҳужумчиси Луис Суарес 2014 йилги жаҳон чемпионатида қилган иши учун ҳали ҳам афсусда эканини маълум қилди.
Бразилияда ўтган мундиалда Италия термасига қарши учрашувда рақиб ҳимоячиси Жоржио Кьеллинини тишлаб олган ва бунинг учун мундиалнинг қолган учрашувларида қатнашишдан маҳрум бўлган эди.
"Хатолар сабоқ бўлади. Бу вазиятларда ишга тушадиган инстинкт эди. Айнан шу ишим билан терма жамоамга ёрдам беришдан мосуво бўлганимдан афсусдаман. Жамоадошларимга бундан ҳам кўпроқ ёрдам бера олишимни сезар эдим. Аммо унчалик даҳшатли иш қилганман деб ўйламайман. Менга жиноятчи каби муносабатда бўлишди", - дейди Суарес.
