“Манчестер Юнайтед” собиқ бош мураббийи Алекс Фергюсон келажакда бошқа мураббий ўзидан кўпроқ совринни қўлга киритишга умид қилишини айтди.

“Мен бу ерда ишлаган вақтимда бизда ажойиб кўрсаткичлар бор эди, биз кўплаб совринларни қўлга киритганмиз. Бироқ мен “МЮ”га рекордимни янгилайдиган мураббий келишига умид қиламан.

Мен бошқа бир мураббий “МЮ”га келиб 25 йил ичида 45та совринни қўлга киритганини кўришни истайман. Бошқа ҳеч нарса мени бунчалик бахтли қила олмайди”, – деди Фергюсон.

Маълумот учун, шотландиялик мутахассис 27 йил ичида 38та совринни қўлга киритган.