Хаби Алонсо Испания Суперкубоги финалида "Барселона"дан учралган мағлубиятдан сўнг (2:3) "Реал" бош мураббийлигидан кетди. Transfer News Live нашрининг таниқли журналист Маттео Мореттога таяниб хабар беришича, Мадрид клуби президенти Флорентино Пересга Алонсонинг ўйин услуби ҳам, машғулотлари ҳам ёқмаган.
Алонсо "Реал"га ёздан буён устозлик қилиб келаётганди. Хаби билан хайрлашгач, "қаймоқранглилар" мураббий этиб Альваро Арбелоани тайинлади. 42 ёшли мутахассис жамоада ўз дебютини 14 январь куни Испания кубоги 1/8 финали доирасида "Альбасете"га қарши сафар ўйинида ўтказади.
