«Реал» Хаби Алонсо билан шартномани бекор қилиб, бош мураббий сифатида Альваро Арбелоани тайинлади. Бироқ мадридликлар эътиборини юқори даражали мураббийларга қаратмоқда.

Маълумотларга кўра, «қаймоқранглилар» энг қизиқарли вариант сифатида Юрген Клоппни кўрмоқда. Foot Mercato саҳифаларида хабар берилишича, «Реал» президенти Флорентино Перес Клоппни мураббийлик лавозимига олиб келишни орзу қилмоқда.

Агар Юрген Клоппни «Сантьяго Бернабеу»га жалб қилиш имконияти бўлмаса, «Реал» эътиборини Энцо Марескага қаратмоқчи. Италиялик мураббий яқинда «Челси» томонидан ишдан бўшатилганди.

Ҳозирда «Реал» Ла Лига жадвалда иккинчи ўринда турибди ва «Барселона»дан тўрт очко орқада. Юрген Клопп эса ҳозирда «Ред Булл» тизимида фаолият юритмоқда.