«Real» Xabi Alonso bilan shartnomani bekor qilib, bosh murabbiy sifatida Alvaro Arbeloani tayinladi. Biroq madridliklar e’tiborini yuqori darajali murabbiylarga qaratmoqda.
Ma’lumotlarga ko‘ra, «qaymoqranglilar» eng qiziqarli variant sifatida Yurgen Kloppni ko‘rmoqda. Foot Mercato sahifalarida xabar berilishicha, «Real» prezidenti Florentino Peres Kloppni murabbiylik lavozimiga olib kelishni orzu qilmoqda.
Agar Yurgen Kloppni «Santyago Bernabeu»ga jalb qilish imkoniyati bo‘lmasa, «Real» e’tiborini Enso Mareskaga qaratmoqchi. Italiyalik murabbiy yaqinda «Chelsi» tomonidan ishdan bo‘shatilgandi.
Hozirda «Real» La Liga jadvalda ikkinchi o‘rinda turibdi va «Barselona»dan to‘rt ochko orqada. Yurgen Klopp esa hozirda «Red Bull» tizimida faoliyat yuritmoqda.
