Футзал бўйича Ўзбекистон чемпионатининг ярим финал босқичига 28 апрель куни старт берилади.

Учрашувлар пойтахтнинг “Ўзбекистон” спорт мажмуасида соат 16:00 ва 18:00да бошланади. Эслатиб ўтамиз, жорий мавсумда чемпионатнинг ярим финал босқичига Тошкентнинг "Ардус", Тошкент вилоятининг "Олмалиқ", Қаршининг "Дўстлик-AIN" ҳамда Бухоронинг "Когон" жамоалари йўл олишган.

Ярим финалда муҳлислар "Олмалиқ" - "Когон" ва "Ардус" - "Дўстлик-AIN" учрашувлари гувоҳига айланишади. 

Ушбу босқич ўйинлари ҳам чорак финалдаги каби, бир жамоанинг иккита ғалабасига қадар давом этади, учинчи ўрин учун ҳам шу тарзда кураш олиб борилади. Фақатгина финал бир жамоанинг учта ғалабасига қадар давом этади.  
 
Ўзбекистон чемпионати, ярим финал
28 апрель, сешанба 
16:00 "Олмалиқ" – "Когон"
18:00 "Ардус" – "Дўстлик-AIN"

29 апрель, чоршанба
16:00 “Когон” – “Олмалиқ”
18:00 “Дўстлик-AIN” – “Ардус”

30 апрель, пайшанба
"Олмалиқ" – "Когон"
"Ардус" – "Дўстлик-AIN"