"Арсенал" ҳужумчиси Алексис Санчес лондонликлар сафида ўзини яхши ҳис қилаётганини айтиб ўтди. Аммо шу билан бирга у совринлар муаммосини ҳам кўтарган.
"Менга Лондон жуда ёқади. Бу ерга мослашиш жуда тез кечди. "Арсенал"да ўзимни яхши ҳис қилмоқдаман. Бу шаҳарда футболчи сифатида ўсаётганимни ҳис қилмоқдаман.
Шу билан бирга совринлар ҳам кераклигини айтмоқчиман. Ҳар биримиз ғалабаларга эришиб, "Арсенал"ни юксакка кўтаришни истаймиз", - дейди ҳужумчи.













