"Манчестер Сити" Чемпионлар лигаси 1/8 финалида "Реал" билан тўқнаш келадиган бўлди. Европанинг энг нуфузли клублар ўртасидаги турнирида ушбу жамоалар ўзаро 15 та ўйин ўтказишган бўлиб, уларнинг 12 таси плей-офф босқичига тўғри келади. "Манчестер Сити" ва "Реал" мусобақанинг охирги тўртта мавсумида ҳам плей-оффда бир-бирларига рақиблик қилишган.
"Манчестер Сити" бош мураббийи Хосеп Гвардиола қуръа натижасига қуйидагича муносабат билдирди:
"Реал"га тушганимиз ҳақидами? Клубимизнинг фикрича, ушбу турнир тарихидаги энг яхши жамоаларга қарши қанча кўп ўйнасангиз, шунча кўп нарса ўрганасиз ва рақобатлашасиз — бу эса сизни янада кучли қилади", — деди Гвардиола журналистларга.
"Реал"га қарши биринчи ўйин "Манчестер Сити" учун сафарда, жавоб учрашуви эса ўз майдонида бўлиб ўтади.
