"Барселона" бош мураббийи Ханс-Дитер Флик Чемпионлар лигаси қуръаси натижалари ҳақида ўз фикрларини билдирди. Каталонияликлар ушбу босқичда "Ньюкасл"га қарши баҳс олиб борадилар. Маълумки, "кўк-анорранглилар" учун иккинчи эҳтимолий рақиб "ПСЖ" эди.
— "ПСЖ" эмас, балки "Ньюкасл" тушганидан хурсандмисиз?
— Йўқ, чунки ҳар бир ўйин муҳим. Осон учрашувлар бўлмайди, зеро бу Чемпионлар лигаси. "Ньюкасл" ҳам ажойиб жамоа, биз буни уларнинг сўнгги ўйинларида ва уларга қарши ўйнаганимизда кўрдик. Осон бўлмайди. Менинг фикримча, доимо рақибни ҳурмат қилиш керак. Ҳамма финалга чиқишни истайди, биз ҳам. "Ньюкасл" ҳам буни хоҳлайди, — деди Флик матбуот анжуманида.
Эслатиб ўтамиз, сентябрь ойида Чемпионлар лигасининг умумий босқичида "Барселона" сафарда "Ньюкасл"ни 2:1 ҳисобида мағлуб этган эди.
