"Барселона" ҳужумчиси Лионель Месси "Бавария"га қарши Чемпионлар лигаси ярим финал биринчи учрашувидан олдин рақиб жамоа мураббийи Пеп Гвардиола ҳақида фикр билдириб ўтди.
"Гвардиола менга ўргатганларини унутмасликка ҳаракат қиламан. Мен у билан кўп муваффақиятларга эришганман. Барселона" мухлислари Гвардиолани қўллаб-қувватлашига умид қиламан, чунки у бизнинг жамоа билан барча совринни қўлга киритган. Мен мураббийларни солиштиришни ёқтирмайман. Уларнинг ҳар бири ўзгача ва янги мураббий келганида ундан ўзгаришларни кутамиз. Пеп ҳам, Луис Энрике ҳам жамоа билан алоқани яхшилашга уринади" - дейди Месси.
