Мадриднинг "Реал" клуби 29 ёшли ярим ҳимоячиси Дани Себальос Ла Лига 25-турида "қаймоқранглилар"нинг мағлубиятида ўзини айбдор деб билди. Кеча мадридликлар сафарда "Осасуна"га имкониятни бой беришди (1:2). "Реал" ҳал қилувчи голни Себальоснинг узатмада хатога йўл қўйишидан сўнг ўтказиб юборди.
"Мен масъулиятни ўз зиммамга оламан", — деб ёзди Себальос ўзининг ижтимоий тармоқларидаги саҳифасида.
"Реал" ҳозирча чемпионатда пешқадамликни сақлаб турибди, бироқ бугуннинг ўзидаёқ биринчи ўринни қўлдан бой бериши мумкин. Иккинчи ўринда бораётган "Барселона" Мадрид клубидан 2 очкога ортда қолмоқда ва бугун 25-тур доирасида "Леванте"га қарши ўз ўйинини ўтказади.
