"Барселона" ҳимоячиси Дани Алвеш жамоадошини сақлаб қолиш учун ўз ҳаётини хавф остига қўйишга тайёр бўлган.
Хабарингиз бор, 2011 йилнинг мартида каталонияликлар аъзоси Эрик Абидал саратон хасталигига йўлиқади. Француз футболчисининг ҳаётини жигар аъзосининг кўчириб ўтказиш орқали сақлаб қолиш мумкин эди.
Абидалнинг айтишича, ўшанда жамоадоши Дани Алвеш унга кутилмаган таклиф билан чиқади.
"Дани Алвеш менга ўз жигарини таклиф қилди. У бу борада сира ҳазиллашмаётганди. Аммо мен бундай таклифни қабул қила олмасдим. Ахир унинг ҳам оиласи ва карьераси бор эди", - дея eurosport.ru Абидалнинг фикрларини келтиради.
Эслатиб ўтамиз, Абидаль "Барселона" шарафини 2007-2013 йиллар давомида ҳимоя қилди. Ҳимоячи кейинчалик қисқа вақт давомида "Монако" ва "Олимпиакос" таркибида тўп суриб, профессионал фаолиятини якунлайди.
