"Ювентус" ҳужумчиси Альваро Мората "Лацио"га қарши бўлиб ўтадиган Италия кубоги финалида дисквалификация туфайли ўйнай олмайди.
Мората "Реал"га қарши ЕЧЛ ярим финал ўйинлари ва "Интер"га қарши А серия баҳсида голлар уриб, ҳозирда яхши формада эканини намойиш қилаётган эди.
"Афсуски, финалда ўйнамайман. Ҳар доим ўйнай олмаслигимни билгач, қаттиқ афсусланаман. Ишонаманки, шерикларим ғалаба қозониш учун ҳамма нарса қилишади. "Интер"га қарши ўйинда мураббийимиз каби ҳар доим ғалаба қозонишга интилишимизни кўрсатдик. Майдонга ким тушишининг фарқи йўқ", - дейди Мората.