Ҳ.Қ. Яша-ака, Абрамов изланишларини, ўйинда яратган янгиликларини кўришни истамаётибсиз. Биз янги Кападзени кўрмоқдамиз. Тўғри, бунда Абрамовнинг хизмати йўқ. Легионер сифатида чет элда кучли чемпионатларда ўйнаган Копадзенинг маҳорати ўсибди. “Пахтакорга” урилган биринчи голни эслатмоқчиман. Ўзбек футболида қанотдан ёриб ўтиб, марказга тўпни ҳаволатиб ошириб гол урмоқчи бўламиз. Ҳужум силсиласини жарима марказида яратиб зарбдор вазиятга чиқмаймиз. Ҳужумларимиз бир хил тарзда қанот орқали уюштирилади. Қаердан бизда марказда ҳимояланиш  тажрибаси пайдо бўлсин. Шунинг учун бу йилги ОЧЛнинг гуруҳ ўйинларида марказдан ёриб ўтиб ҳамма бизга, яъни тўртта жамоамизга бир -бирига ўхшаган голлар уришди. Ўша ўйинга қайтайлик. “Пахтакорга” қарши ўша ўйин вазиятида Копадзе қанотдан марказга ёриб кирган Раҳимовдан қайтармани олиб  тўп билан ўнг томонга ёриб ўтди-ю, тўпни марказга тезланиш олган Корянга узатди. Гол. Бундай тарзда урилган гол ўзбек футболи учун янгилик эмасмиди? “Андижонга” урилган иккинчи голни эсланг. Бизда қанот ҳимоячиларимиз ҳужумчига тўпни ошириб олгач, пассив ҳолатга ўтиб, ортга, “ўз уйига” қайтишади.  Хатто, Жасур Хасанов ҳам, Сиз айтиб ўтдингиз, шундай ўйнайди. Олмалиқда бунинг гувоҳи бўлдик. “Андижонга” қарши ўйинда Салим Мустафоев марказга ёриб ўтиб, тўпни Темирхўжага оширгач, эпизотдан четга чиқиб кетмади. Ўткир вазиятга чиқиб, вазиятни бой бера бошлаган Темирхўжадан тўпни қайтиб олиб, дарвозабонни алдаб ўтиб ўткир бурчакдан гол урди. Бундай гол бизнинг ҳужумда янгилик эмасми? Бу биринчидан эди. Иккинчидан, Сиз доим салбий ўйинларни эслаб юрасизми?

Давоми Ҳасанали Қодиров блогида.
Мақоланинг биринчи қисмига ҳавола.