"ПСЖ" ҳужумчиси Златан Иброҳимович Франция чемпионлиги олтин медаллари топшириш маросимида шу йилнинг март ойида "бўлмағур" деб атаган мамлакатига шарафлар айтди.
"Келгуси мақсадларим? Мен ҳозирча Паулетанинг натижаларига эриша олмадим (Паулета ҳисобида 109та гол бор, Златанда 106та), буни бажариш керак. Яшасин, Франция!" - унинг бу сўзларидан сўнг мухлислар ҳайқиришди.
Эслатиб ўтамиз, Франция чемпионатининг 29-турида швед футболчисининг "15 йиллик фаолиятимда бундай бўлмағур мамлакатдагидай ёмон ҳакамликни кўрмагандим. Бу мамлакат "ПСЖ"дай жамоага муносибмас" деб айтган сўзлари телекамераларга муҳрланиб қолган эди.
