Ўзбекистон терма жамоаси ва Москванинг "Локомотив" клуби ҳимоячиси Виталий Денисов Россия чемпионатининг 29-турида "Кубань"га қарши учрашувдан сўнг (1:1) мавсум ҳақида фикрлари билан ўртоқлашди.
"Ўйин яхши бўлди. Вазиятларимиз кўп бўлди, аммо бироз омадимиз келмади. Иккинчи бўлимнинг бошида ташаббусни қўлга олдик ва Ньяссенинг четлатилишидан сўнг ҳам руҳимизни чўктирмадик. Чорлука тажовузкорроқ ўйнаш учун жамоани олдинга бошлади.
Мухлисларга миннатдорчилик билдирмоқчиман. Мавсум тугаяпти. Сабрларни жамлаб, визаларни расмийлаштириб, Европа лигасини кутамиз", - дейди Денисов.
