ФИФА президенти Йозеф Блаттер уни истеъфога чиқармоқчи УЕФАни ва, хусусан, Мишель Платинини кечиришини маълум қилди. Бу ҳақда Agence France-Presse хабар бермоқда.
Овоз бериш жараёни тугагач, УЕФА президенти Мишель Платини унинг ташкилоти ФИФАда ўзгаришлар яратиш йўлидаги ҳаракатни қўллаб-қувватлаганидан ғурурланишини маълум қилди.
“Бу нафрат УЕФАдаги бир кишидан эмас, бутун ташкилотдан билиниб турибди, улар ҳанузгача 1998 йили президент бўлганимни ҳазм қила олмайди”, – деди Блаттер Швейцария телевидениесига берган интервьюсида.
“Мен барчани кечираман, аммо эсдан чиқармайман”, – қўшимча қилди у.
