Испаниянинг "Марка" нашри тарқатган хабарга кўра, "Барселона" етакчиси Леонель Мессининг ўтган йилгига нисбатан ёрқинроқ ўйин кўрсатишида унинг 1 йил давомида 4-5 кг вазн ташлагани сабаб қилиб кўрсатилмоқда.
Аргентиналик форвард бу мавсум жамоаси учун ўта муҳим голларни урмоқда ва у "Барселона"нинг муваффақиятларида ҳар қачонгидан ҳам муҳим роль ўйнамоқда. Месси бир йил давомида ўзининг жисмоний ҳолати устида тинмай ишлади ва ўзининг овқатланишини ҳам кучли назаратга олди. Натижада, унинг ҳаракатлари янада енггиллашди ва тезлиги сезиларли даражада ошди, - деб хабар беради мазкур нашр.
Дарҳақиқат, "Марка" тақдим этган суратда Мессининг ўтган йилгига нисбатан бироз озганини сезиш мумкин.
