"Барселона" ҳимоячиси Херард Пике масум якунларига бағишланган тантанали маросимда оташин нутқ сўзлади.
Пике Криштиану Роналдунинг туғилган кунида диджейлик қилган Кевин Ролданга алоҳида миннатдорчилик билдирди. "Реал"нинг "Атлетико"да йирик ҳисобдаги мағлубиятидан (0:4) сўнг ўтказилган Роналдунинг 30 йиллик юбилейида диджейлик қилган Кевин Ролдан кечада олинган фотосуратларни оммага тарқатиб юборган эди. Бу фотосуратлар кейинчалик матбуотда кенг муҳокамаларга ва танқидларга сабаб бўлган. ШУндан сўнг "Реал"нинг ишлари орқага кета бошлади.
"Мураббий ва жамоадошларимга раҳмат. Шунингдек, Кевин Ролданга ҳам алоҳида раҳмат, ҳаммаси шундан бошланган эди", - дейди Пике.
Эслатиб ўтамиз, "Барселона" мавсумни учта соврин билан тугатди. Катлонияликлар чемпионат, мамлакат кубоги ва чемпионлар лигасида ғолиб чиқишди.
