Якунига етган мавсумни "Реал"да ўтказган мексикалик ҳужумчи Хавьер Эрнандес жамоа бош мураббийи Карло Анчелоттидан норози эмаслигини маълум қилди.

Эрнандесда ўйин амалиёти кам бўлди ва фақат Карим Бензема жароҳат олгандагина майдонга тушди. У Бензема ўйнаши учун Карло Анчелоттига босим бўлган-бўлмагани ҳақидаги саволга жавоб берди.

"Анчелоттини маломатга қўймоқчи эмасман. У мени ўз жамоасида кўришни истаган эди, шунинг учун ундан доим хурсандман. Бенземага келсак, кийиниш хонасида ҳарх ил гаплар бўлади, бу ҳақида гапиришдан маъни йўқ. Нима бўлса, бўлди. Бундай гранднинг сафида ўйнаганимдан хурсандман", - дейди Чичарито.