"Ўзбекистон" спорт мажмуасида ўтаётган бокс бўйича Осиё чемпионатида 46,50 ва 60 кг вазнларда ярим финалчилар номи маълум бўлди. "Ўз уйингда деворлар ҳам қўллайди" деб бежизга айтишмайди. Бокс бўйича ўсмирлар терма жамоамиз аъзоларининг деярли барчаси саралаш босқичлари шунингдек, медаллар учун бўладиган жангларда бор имкониятларидан унумли фойдаланишга харакат қилишмоқда.

Бугун 46 кг.да рингга кўтарилган ўзбекистонлик Халимбек Утегенов қирғизистонлик рақиби Рустам Муратовни ярим финал йулланмасидан маҳрум қилди.

50 кг. вазнда бахсларга киришган яна бир умидли боксчимиз Жаҳонгир Раҳимов эса мўғилистонлик Буамбатс Тугулдур билан рўбарў келди ва ушбу учрашув 2:1 ҳисобида Жаҳонгирнинг ғалабаси билан якунланди.

60 кг. вазнда рингга кўтарилган Темурбек Саъдуллаев қўшни афғонистонлик Мужибуллох Эшон баҳсида ҳам ҳамюртимиз зафар қучиб, терма жамоамизнинг мувафаққиятли юришини давом эттирди.

Вакилларимизни мазкур ғалабалар билан табриклаб, кейинги беллашувларда ҳам омад тилаб қоламиз. Эслатиб ўтамиз, эртага ҳам чорак финал учрашувлари давом эттирилади. Баҳслар маҳаллий вақт билан 16:00да бошланади.