"Ньюкасл" чап қанот ҳимоячиси Льюис Холл Премьер-лига гигантларининг қизиқишини уйғотмоқда.
"Челси" вазиятни кузатишда давом этмоқда, аммо 21 ёшли футболчининг ўзи "Манчестер Юнайтед"га ўтишни афзал кўрмоқда, деб хабар беради TEAMtalk нашри. "Кўклар" учун умидли инглиз футболчисини ишонтириш қийин бўлади.
Қизиғи шундаки, Льюис Холл "Челси"нинг ёшлар тизимининг тарбияланувчиси ва клубда 12 йил ўйнаган. "Қарғалар" футболчини 2024 йилда лондонликлардан 33 миллион еврога сотиб олган, Transfermarkt эса унинг ҳозирги трансфер қийматини 40 миллион еврога баҳоламоқда.
Ўтган мавсумда Холл "Ньюкасл" сафида 46 та ўйинда майдонга тушиб, битта гол урди ва иккита голли узатмани амалга оширди.
