"Барселона" ҳимоячиси Марк Бартра жамоадоши Херард Пикени ёқлаб чиқди. Ишқибозлар Испания ва Коста-Рика терма жамоалари ўртасида ўртоқлик учрашувида Пикега ҳуштакбозлик қилишган эди.
"Пике бундай муносабатга муносиб эмас. Футбол нуқтаи назаридан у ҳар доим охиригача курашади - "Барса"да ҳам Испания термасида ҳам. Бу мени хафа қилди, ахир Херард яхши йигит. Балки туқдан сархуш бўли, ортиқча гапириб юборгандир. Аммо мухлислар унинг Испания термасидаги хизматларини унутмасликлари керак", - дейди Бартра.
Кўпчилик испан мухлисларига Пикенинг Криштиану Роналдунинг юбилей кечасидаги қўшиқчи Кевин Ролдан тўғрисида айтган гаплари ёқмаган кўринади. Пикенинг фикрига кўра, "Реал"нинг омадсизликлари айнан Ролданнинг юбилей кечасидан олган суратларни тарқатиб юборганидан кейин бошланган. "Барса" ҳимоячиси жамоанинг чемпионлик тантаналарида ҳазил тариқасида Ролданга миннатдорчилик билдирган эди.