"Бавария" ва Польша терма жамоаси ҳужумчиси Роберт Левандовски Евро-2016 саралашида Грузия устидан қозонилган йирик ҳисобдаги ғалаба (4:0) ҳақида фикр билдирди.
"Бу менинг фаолиятимдаги энг тезкор хет-трик бўлди. Шунингдек, Збигнев Бонекдан ўтганимга хурсандман. Бу қизиқ ўйин бўлди. Биринчи бўлимда жуда кўп имкониятларимиз бўлди. Агар танафусгача гол ура олганимда, кўп нарса ҳал бўлар эди.
Биринчи бўлимда омадим келмади, футболда шундай, баъзан омадинг жуда чопади, баъзан йўқ. Бугунги натижамга сабр орқали эришдим. Мен биринчи голимни урганимдан сўнг, шу руҳда давом этдим", - дейди Левандовски.
