"Рубин" бош мурабббийи Ринат Билялетдинов клуб базасига ҳалигача келмаган эронлик футболчи Сардор Азмуннинг қаерда эканлигини билмаслигини маълум қилди.
"Азмун қаерда? Билмайман, бу менга ҳам қизиқ. Шу атрофда бўлса керак. Ҳамма бошқа ернинг таоми мазалироқ бўлса керак деб ўйлайди. У ерда осонроқ бўлади,бу ерда кўпроқ тўлайди, деган хаёллар билан бўлади. Билмайман. Бизда қолганида, аллақачон ўсган бўлар эди", - дейди Билялетдинов.
Эслатиб ўтамиз, Азмун ўтган мавсумнинг иккинчи қисмини Ростов-Донда ўтказиб, Қурбон Бердиев жамоасини РФПЛ да қолишига кўмаклашган эди.