"Севилья" клуби ва Колумбия термаси ҳужумчиси Карлос Бакканинг онаси Элоиза Ахумада Америка кубогида Бразилияга қарши учрашувда (1:0) ўғлининг кўрсатган ҳунаридан афсусланишини билдирди.
Финал ҳуштагидан сўнг Бакка Бразилия термаси сардори Неймар билан жанжаллашиб кетган эди. Натижада ҳар икки ўйинчи қизил карточка билан сийланди, Бакка икки ўйинга, Неймар тўрт ўйинга четлатилди.
"Стадионда бўлганимда туфлимнинг учи билан Неймарни урар эдим. Кўпчилик аёллар мени қўллаган бўлар эдилар. Мен ғазаб ва иложсизликни ҳис қилдим, чунки ўғлимга зарар етказмасликлари учун у ердан олиб чиқиб кетгим келган эди. Амо, ўғлимнинг ҳулқи ҳам мени афсуслантирди, уни ҳеч қачон бундай аҳволда кўрмаган эдим. Мен унга смс жўнатиб, ўзини бундай тутмаслигини айтдим", - дейди Ахумада хоним.
