Бразилия терма жамоаси сардори Неймар Чилида ўтаётган Америка кубоги мусобақасида иштирок этаётган “пенткампеонлар” қароргоҳини тарк этди, деб хабар бермоқда “СЭ”.
Футболчи Колумбияга қарши гуруҳ босқичи 2-тур учрашувидаги хатти-ҳаракати сабаб 4 ўйинга четлатилди, “селесаолар” финалгача етиб бора олишса ҳам учрашувда иштирок эта олмайди.
Бразиляик Футбол Конфедерация дастлаб КОНМЕБОЛга расмий мурожжат қилди, аммо барибир белгиланган дисквалификация муддати қисқартирилмади.
Эслатиб ўтамиз, Бразилия Неймарсиз ҳам Венесуэлани мағлубиятга учратиб чорак финалга йўл олди ва 28-июнда Парагвайга қарши учрашув ўтказади. Дунга шогирдлари ярим финалга чиқишса Аргентина – Колумбия жуфтлигида ғолиб бўлган жамоа билан рўбарў келишади.
