Аргентина терма жамоаси собиқ футболчиси Диего Марадона Германияга қарши бўлиб ўтган ЖЧ-1990 финал учрашуви олдидан бўлган воқеани айтиб берди.
«Финалдан олдин мен Аргентина футбол федерацияси президенти Хулио Грондона билан учрашдим. У менга: «Финалгача етиб келдик, энди эса тўхташ пайти келди, ўйинни беришимиз керак", - деганди. Мен эса унга: «Менга қара, биз ютқазмаймиз. Елкамдаги оғриққа қарамай, ўйинга тўла кучимни бераман. Майдонда нима қилиш кераклигини менга ўргатма. Мен ўйинга боримни берганман, аммо ҳакам Кодесал Мендес бутун учрашув давомида фақат бизнинг зараримизга ҳуштак чалганди», — дейди Марадона.
Эслатиб ўтамиз, Грондона 2014 йил ёзда вафот этган.
