Куни кеча “Оқтепа” билан учрашувда “Насаф” посбони Ўткир Юсупов дарвозаси олдида деярли хавфли вазият содир этилмади. Меҳмонларнинг кам сонли ҳужумларидан фақат биттаси гол билан якунланди. Юсупов иштирокида чиройлироқ сейв ҳам кўрмадик.

Дарвозабонлар ҳақида гап кетганда дунё футболи дарвозабонлари ҳақидаги қизиқарли фактлар эътиборимни жалб этди.

Демак дарвозабонлар ҳақида қизиқарли фактлар:

50-йиллар охирида Стокгольмнинг “Юргорден” ўсмирлар жамоаси дарвозабони ўзига хос рекорд ўрнатган. 18:0 ҳисобида тугаган учрашувда бирор марта тўпга тегмаган. Дарвозаси олдидан маротаба эркин зарба(отворот)ни ҳимоячилар амалга оширишган.

“Пльзенске мячишко” жамоаси дарвозабони Яромир Пивчишок эса ақлга сиғмас рекорд ўрнатган. 70-80 йиллар 19 мавсум жамоа қайдномасига киритилиб бирор дақиқа майдонда тўп сурмаган. Энг қизиғи, у Чехия терма жамоасига мунтазам чақирилган. Лекин бош жамоада ҳам бирор маротаба майдонга тушмаган.

Уэльс терма жамоаси дарвозабони Ли Ричмонд Роуз 1900 йилларда футболка остидан кийган майкасини бирор марта ювмаган. Бу майкани у “омад келтирувчи” майка деб ҳисоблаган.

Олим Толипов