"ПСЖ" клуби ҳужумчиси Златан Иброҳимович келаси йили Бразилиянинг Рио-де-Жанейро шаҳрида бўлиб ўтадиган Олимпиада мусобақаларида қатнашиши мумкин.
Кеча Швеция ёшлар терма жамоаси Европа чемпионати-2015 мусобақасининг гуруҳидан чиқди ва Олимпиадага йўлланмани қўлга киритди.
Регламент бўйича ҳар бир жамоа ўз таркибига 23 ёшдан катта бўлган учта футболчини чақириши мумкин. Иброҳимовичнинг номи эса, мураббийлар рўйхатида биринчилардан бўлиб қайд этилган. Футболчининг ўзи ҳам бунга қарши эмас.
"Агар менда Швеция термасини Олимпиада ўйинларида бошлаб тушиш имкони бўлса, нега йўқ дейишим керак? Вазият қандай тус олишини ҳам кутишимиз лозим", - дейди Иброҳимович.
